Komisioneri Celibashi ka nxjerrë thirrjen për mbledhjen e Komisionit Rregullator dhe më pas i ka përcjellë edhe listën e kandudateve që janë shpallur fitues.
Komisioni Rregullator i KQZ është organi që shpall rezultatin përfundimtar te zgjedhjeve.
Midis të tjerave edhe listën e kandidatëve fitues në rang kombëtar dhe në rang qarku.
Drafti i përgatitur do të duhet që t’i bashkëlidhen listat e tashmë deputetëve te legjislaturës së re.
Midis të tjerave vendimi i Komisionit Rregullator do duhet të përcaktojë:
“… Numrin e votave, numrin e mandateve dhe listën emërore të deputetëve për çdo subjekt zgjedhor, për çdo zonë zgjedhore, sipas lidhjes nr. 1 që i bashkëlidhet këtij vendimi;
Numrin e votave, numrin e mandateve dhe listën emërore të deputetëve për çdo subjekt zgjedhor në rang vendi, sipas lidhjes nr. 2 që i bashkëlidhet këtij vendimi”.
Me vendimmarrjen e pritshme, Listat përfundimtare do i nxjerrë Komisioni Rregullator.
Por nuk ka njoftime që Komisioneri Celibashi të ketë korrigjuar vendimmarrjen e tij për subjektet e tjera zgjedhore, duke respektuar intepretimin e bëre për mandatet nga Kolegji Zgjedhor.
Në kundershtim me këtë kemi siguruar tabelat me listemat emërore që Komisioneri i ka përcjellë për miratim Komisionit Rregullator.
Celibashi në cilësinë e tij si Komisioner Shtetëror i Zgjedhjeve është drejtues i administratës se KQZ dhe personi përgjegjës për përgatitjen e materialeve të mbledhjeve të Komisionit Regullator.
Nëse Komisioneri Celibashi po i përcjell këtij Komisionit, lista të manipuluara nga ai vetë dhe jo sipas Kodit Zgjedhor, (e konfirmuar kjo nga Vendimi i Kolegjit Zgjedhor), atëherë Komisioneri po synon që ti përfshije në shkeljen e Kodit edhe anëtarët e Komisionit Rregullator. Ose në funksion të krijimit të një vorbulle të re, po kërkon që Komisioni Rregullator të përfshihet në debat jo vetëm në shërbim të tij.
