Klevis Balliu nuk e përjashto mundësinë të garojë për PD për Bashkinë e Tiranës
Deputeti i Partisë Demokratike, Klevis Balliu, ka lënë të hapur mundësinë që të kandidojë përballë Ogerta Manastirliut në garën për kryetar të Bashkisë së Tiranës.
“S’e përjashtoj garën. Asnjëherë nuk e përjashtoj. Do duhet ta mendoj, të shikoj veten, të shoh formatin e garës, nëse do ketë primare dhe kohë për këtë proces. Nuk mund të them as po, as jo, por nuk e përjashtoj,” tha Balliu në një intervistë televizive.
Ai shtoi se ende nuk ka një vendim përfundimtar, por theksoi se gjithçka do të varet nga formatet që do të ndjekë Partia Demokratike dhe koha e mbetur deri në zgjedhje.
