61-vjeçari Bardhyl Fusha, i cili u arrestua pasi grabiti filialin e FiBank mesditën e së enjtes në Tiranë, deklaroi për hetuesit se kishte rreth 70 milionë lekë të vjetra borxhe dhe nuk kishte mundur të shlyente punëtorët.
Fusha rezulton se ishte sipërmarrës në fushën e ndërtimit dhe deklaroi se u detyrua të ndërmerrte një akt të tillë për shkak të borxheve. “Zgjodha të grabisja FiBank, për shkak se aty kishte shkuar edhe në raste të tjera për të kryer pagesat”, tha Fusha.
Bardhyl Fusha shkoi tek filiali i bankës në zonën e ish-parkut të autobuzëve dhe sapo hyri në ambjentet e brendshme qëlloi me armë në dyshime që të largoheshin punonjësit. Sipas dinamikës së ngjarjes, ai u afrua te një nga arkat dhe mori një shumë prej 8 mln lekë të vjetra dhe futi në çantën e tij.
Fusha nuk mundi të largohej nga banka, pasi u arrestua. Ai ishte më origjinë nga Gramshi, por jetonte në Tiranë në një shtëpi me qira.
