Këshilli i Imunitetit, pritej të trajtonte sot çështjen për mandatin e Belinda Ballukut, për të cilën SPAK kërkon arrestimin, kjo gjë nuk ka ndodhur pasi mbledhja u shty.
Shkak për këtë është bërë kërkesa e socialisteve, të cilët pretendojnë që Këshilli i Imunitetit dhe Mandateve të mblidhet pasi të japë vendimin Gjykata Kushtetuese për këtë çështje. Deputeti i Partisë Socialiste Erjon Braçe, i pyetur mbi këtë fakt ka deklaruar se Balluku është pa imunitet sa kohë ndaj saj po kryhet një hetim.
“ Nuk ka imunitet sa kohë që eshte duke u hetuar është pa imunitet. Është ngritur një akuzë për të, po hetohet dhe prezumohet e pafajshme deri një vendim të formës së prerë të gjykatës, se në Kuvend çfarë nuk dëgjova. Se si e kordinon punën Këshilli i Mandateve pyesni kreun e Kuvendit”, tha ai.
