Nuk mund të mungonte reagimi i Jorida Tabakut për nisjen e procedurës së shkarkimit të Erion Veliajt. Në një status të gjatë në Facebook, ajo numëron të gjitha paaftësitë dhe mënyrën e shëmtuar të të bërit politikë të Veliajt.
Edhe pse është konsideruar disa herë si rivale e mundshme përballë socialistëve në Tiranë, Tabaku nuk e ka ndërmarrë këtë nismë. Madje, ditë më parë, ajo refuzoi zyrtarisht edhe kandidimin e saj në zgjedhjet e pritshme përballë Ogerta Manastirliut.
Në reagimin e saj, zonja Tabaku nuk e përmend në asnjë rresht Prokurorinë e Posaçme për hartimin e dosjes që mban Erion Veliajn pas hekurave të burgut. A thua se shkarkimi i tij ishte rrjedhojë e betejës opozitare. Por, mesa duket, për të qenë në linjë me kryetarin e partisë, Jorida bën sikur SPAK nuk ekziston dhe rendit vetëm arsyet e saj pse Veliaj nuk duhet të ishte kryetar bashkie.
Deputetja e PD-së nuk harron të citojë në fund edhe Shekspirin, duke shkruar: “Vjen shpejt dita kur duhet të japësh llogari. Pasi, siç mëson dhe Shekspiri, ‘S’ka natë që s’ka të gdhirë, sado qoftë e gjatë.’”
Problemi i vogël është se Shekspiri s’e ka thënë kurrë një fjali të tillë. Maksimumi i tij ka qenë tek “Makbethi”, ku shkruan: “The night is long that never finds the day.” Citimi i zonjës Tabaku është një fjalë e urtë shqiptare.
Epo, ne nuk themi të bëni Diellën ministre të opozitës për fjalë të urta, por mund të konsultoheni edhe me ChatGPT për ndonjë vepër që s’e keni lexuar.
Reagimi i plotë: https://www.facebook.com/share/p/16xYnXvXrd/?mibextid=wwXIfr
