Ish-kryetari i bashkisë së Nju Jorkut, Eric Adams, është pajisur me pasaportë shqiptare.
Vendimi është miratuar përmes një dekreti të veçantë të Presidentit të Republikës, Bajram Begaj. Deri më tani nuk janë bërë publike detaje të tjera lidhur me arsyet apo procedurat e dhënies së shtetësisë shqiptare.
Në dekret thuhet se Adams është pajisur me pasaportë shqiptare me kërkesë të tij.
Ai ka zhvilluar më herët një vizitë në Shqipëri, në tetor të vitit 2025, ku është takuar edhe me kryeministrin Edi Rama. Adams ka shprehur edhe më parë simpatinë e tij për Shqipërinë dhe shqiptarët gjatë kohës që ka ushtruar detyrën e kryebashkiakut të Nju Jorkut.
