Anëtarët e Partisë Demokratike në Këshillin e Imuniteteve dhe Mandateve kanë kërkuar sërish që nesër të zhvillohet mbledhja e këtij këshilli, me qëllim që të hiqet imuniteti i zv.kryeministres dhe ministres së Infrastrukturës dhe Energjisë, Belinda Balluku.
PD e ka konsideruar të papranueshme shtyrjen pa afat të mbledhjes, duke sugjeruar se kjo mund t’i japë mundësi ministres për të prishur prova ose për të intimiduar dëshmitarët.
