Burime jozyrtare bëjnë me dije se Igli Tafa pritet të zëvendësojë Mirlinda Karçanaj në krye të AKSHI, pas vendosjes së kësaj të fundit në masën e sigurisë “arrest shtëpie” në kuadër të hetimeve për tenderat e institucionit.
Karçanaj ndodhet nën masën e sigurisë të caktuar nga Gjykata e Posaçme, ndërsa ndaj saj po zhvillohen hetime lidhur me procedurat e prokurimit publik të AKSHI-t. 
Deri në këto momente nuk ka një konfirmim zyrtar nga qeveria apo nga vetë AKSHI për emërimin e ri, por lëvizja shihet si pjesë e përpjekjeve për stabilizimin e institucionit që menaxhon sistemet kryesore të shërbimeve elektronike në vend.
