Në homazhet për nder të Fatos Nanos morën pjesë jo vetëm eksponentë të lartë të Partisë Socialiste si kryeministri Edi Rama bashkë me ministrat dhe drejtues të PS, ish-kreu i Kuvendit Gramoz Ruçi, ish-figura të larta të socialistëve.
Në homazhe morën pjesë edhe personalitete politike nga Kosova dhe Maqedonia e Veriut, mes të cilëve Albin Kurti dhe Ali Ahmeti.
Të pranishëm ishin edhe disa nga krerët e besimeve fetare mes tyre kryepeshkopi Joan, Baba Mondi, Arqipeshkvi Arjan Dodaj dhe Kreu i Komunitetit Mysliman të Shqipërisë, Bujar Spahiu.
