Trupa gjyqësore e Gjykatës Kushtetuese do të mblidhet këtë të martë për të marrë një vendim mbi ankimin e kryeministrit Edi Rama, i cili kundërshton pezullimin nga detyra të zv.kryeministres dhe ministres së Infrastrukturës dhe Energjisë, Belinda Balluku.
Seanca pritet të jetë e gjatë, pasi tetë gjyqtarët kushtetues do të paraqesin qëndrimet dhe argumentet e tyre përpara se të zhvillohet procesi i votimit.
Vendimi përfundimtar pritet të bëhet publik gjatë ditës së sotme. Gjykata do të sqarojë gjithashtu nëse në këtë rast ka pasur ndërhyrje të pushtetit gjyqësor në atë ekzekutiv, si dhe do të japë një interpretim mbi çështjen nëse një ministër gëzon ose jo imunitetin ligjor të një deputeti.
