Gjykata e Lartë vulos dënimin e Fredi Belerit për shitblerje të votës. Kolegji penal pasi e shqyrtoi çështjen vendosi “Lënien në fuqi të vendimit nr. 26 (87-2024-176), datë 25.06.2024, të Gjykatës së Posaçme të Apelit Për Korrupsionin dhe Krimin e Organizuar”.
Beleri u dënua me 2 vite burgim për akuzën e korrupsionit në zgjedhje, teksa garonte për kryetar Bashkie në Himarë. Ai u arrestua më 12 maj 2023, dy ditë para zgjedhjeve vendore dhe ndonëse fitues përballë Jorgo Goros, kërkesat të përsëritura për institucionet shqiptare të drejtësisë për të lejuar Fredi Belerin të merrte detyrën e kryebashkiakut u refuzuan.
Beleri u zgjodh anëtar i Parlamentit Evropian dhe pas lirimit nga burgu mori detyrën.
Arrestimi i Fredi Belerit shkaktoi tension në marrëdhëniet diplomatike mes Tiranës dhe Athinës zyrtare.
