Gjykata e Posaçme kundër Korrupsionit dhe Krimit të Organizuar do të zhvillojë sot seancën paraprake ndaj ish-presidentit Ilir Meta. Seanca do të nisë në orën 10:00 dhe do të drejtohet nga gjyqtarja Irena Gjoka.
Në këtë fazë, gjykata do të vendosë mbi fatin e çështjes, nëse dosja do të kalojë për gjykim të plotë, do të rikthehet për hetime shtesë në SPAK, apo nëse procedimi penal do të pushohet.
Sipas SPAK, gjatë hetimeve janë zbuluar skema të dyshuara korrupsioni dhe abuzimi me pushtetin. Përveç Metës dhe bashkëshortes së tij, Monika Kryemadhi, në gjykim janë dërguar edhe tre persona të tjerë.
Hetimet për këtë çështje u përmbyllën më 29 gusht, ndërsa Meta dhe Kryemadhi përballen me akuza për korrupsion pasiv, pastrim parash dhe mosdeklarim të pasurisë.
