Kryeministri, Edi Rama, ka përshëndetur vendimin e anëtarëve të Gjykatës Kushtetuese që dëgjuan këshillat e tij, për të rikthyer në detyrë zëvendëskryeministren, Belinda Balluku. Në podcastin “Flasim”, kreu i qeverisë tha se veprimi i prokurorit dhe gjykatësit kërkon një reflektim ndërinstitucional.
“Në aspektin ligjor u eliminua një precedent unik në botë dhe u zmbraps një brutalitet, ndërsa në aspektin ndërinstitucional kjo befasi ku një prokuror dhe gjykatës morën kompetenca e kryeministrit, parlamentit duke tollovitur shtetit kërkon medoemos një reflektim ndërinstitucional, jo vetëm mbi këtë rast por mbi simptomat shqetësuese të ushtrimit me papërgjegjshmëri të sistemit të ri të drejtësisë”, tha Rama.
Kujtojmë se në datën 12, pas një fushate publike të ndërmarrë nga kryeministri Edi Rama kundër vendimit të Gjykatës së Posaçme, Gjykata Kushtetuese vendosi me shumicë 5 me 3 që të rikthejë në detyrë numrin 2 të qeverisë, Belinda Balluku dhe ta kalojë çështjen në seancë plenare.
