Kryetari i Grupit Parlamentar të Partisë Demokratike, Gazment Bardhi, ka reaguar lidhur me situatën e krijuar nga përmbytjet në disa qarqe të vendit, duke i kërkuar qeverisë shpalljen e menjëhershme të gjendjes së fatkeqësisë natyrore.
Në emër të Grupit Parlamentar të PD, Bardhi deklaron se i ka kërkuar zyrtarisht Këshillit të Ministrave që të ndërmarrë masa urgjente për menaxhimin e situatës dhe mbështetjen e banorëve të prekur. Sipas tij, kërkesat kryesore janë:
– Shpallja e gjendjes së fatkeqësisë natyrore rajonale për qarqet e prekura nga përmbytjet dhe vërshimet e ujit, konkretisht Durrës, Lezhë, Elbasan, Shkodër, Gjirokastër, Vlorë dhe Fier.
– Kryerja e një vlerësimi të plotë dhe objektiv të dëmeve në vlerën reale të tyre, si dhe kompensimi i plotë financiar për banorët e dëmtuar.
– Informimi i menjëhershëm i Kuvendit të Shqipërisë për situatën e krijuar, rreziqet që paraqiten dhe masat e marra për përballimin e emergjencës.
Bardhi thekson se mosshpallja e gjendjes së fatkeqësisë natyrore do ta bënte të pamundur dëmshpërblimin e plotë të banorëve të prekur dhe do të përbënte një akt të rëndë papërgjegjshmërie institucion.
