“Nuk do dal në fushatë me Sali Berishën dhe me asnjë kryetar partie të opozitës. U kam kërkuar atyre të afrojë grupet e punës. Ata janë mbështetës dhe jo propozues,” – deklaroi kandidati i opozitës Florian Binaj në emisionin Top Story.
Sipas tij, edhe në fletën e votimit emri i tij do të jetë i shkruar si kandidat i pavarur. Gjatë intervistës, Binaj theksoi se nuk ka folur asnjëherë me Sali Berishën, madje as në telefon, duke këmbëngulur se do të mbetet i pavarur.
Ai shtoi se personi i parë që e ka telefonuar dhe mbështetur në nismën për të kandiduar për Bashkinë e Tiranës ka qenë Adriatik Lapaj, kryetari i nismës Shqipëria Bëhet.
