Evis Sala, një emër thuajse i panjohur, pritet të marrë postin e ministres së Shëndetësisë. Lajmi është konfirmuar për VNA nga burime pranë kryeministrit, i cili edhe pse po përpiqet ta mbajë fort sekretin dhe efektin surprizë, duket se ka pasur “rrjedhje” informacioni. Zonja Sala është mjeke e njohur dhe me eksperiencë, aktualisht jeton në Britaninë e Madhe. Ajo njihet gjithashtu si motra e artistit Anri Sala, është vajza e Valdet Salës drejtoreshë e bordit të Fondacionit Soros dhe shumë e afërt familjarisht me kryeministrin Edi Rama.
Një tjetër emër që pritet t’i bashkohet kabinetit të ri qeveritar është edhe drejtorja e Shërbimit Informativ, Vlora Hyseni. Një tjetër “dashuri” e Edi Ramës, që përveç emrit pikant dhe origjinës nga Kosova, nuk ka sjellë asgjë të re në atë që duhet të jetë shërbimi inteligjent i Shqipërisë.
E vetmja gjë që dihet me siguri është se Edi Rama edhe këtë herë do të ketë gjysmën e qeverisë me gra. Me gjasë, dy emrat e sipërpërmendur do t’i bashkohen grave më të “vjetra” dhe më me eksperiencë, për ta shndërruar kabinetin e ri qeveritar në shumë zhurmë… por për asgjë të re në qeverisje, përveç emrave, ngjyrës së flokëve dhe modelit të këpucëve.
