Më datë 4 dhjetor pritet të zhvillohet mbledhja e gjyqtarëve të Gjykatës Kushtetuese lidhur me kërkesën e Qeverisë për pezullimin me vendim të GJKKO të zv.kryeministres dhe ministres së Infrastrukturës, Belinda Balluku.
Mbledhja e së enjtes do të jetë vendimtare për fatin e kërkesës së paraqitur nga ekzekutivi, përmes së cilës kërkohet shqyrtimi i masës së pezullimit nga detyra të vendosur më herët nga GJKKO ndaj Ballukut.
Në varësi të vendimit që do të marrë Gjykata Kushtetuese, do të vendoset nëse kërkesa e Qeverisë do të pranohet apo jo. Ky vendim do të përcaktojë gjithashtu edhe vijimin ose rrëzimin e masës së pezullimit nga detyra të vendosur ndaj Ballukut.
