Kryebashkiaku i Tiranës, Erion Veliaj, i drejtohet Gjykatës Kushtetuese me kërkesë për heqjen e masës së sigurisë arrest në burg.
Erion Veliaj i kërkon Gjykatës Kushtetuese shfuqizimin si të papajtueshëm me Kushtetutën të tre vendimive të GJKKO dhe Gjykatës së Lartë dhe kthimin e çështjes për rigjykim në Gjykatën e Posaçme të Shkallës së Parë për Korrupsionin dhe Krimin e Organizuar për shkak të shkeljes të rëndë të procesit të rregullt, proporcionalitetit dhe prezumimit të pafajësisë.
Veliaj mbahet në paraburgim prej 10 shkurtit të këtij viti. Kryebashkiaku i Tiranës është i pandehur për korrupsion, pastrim parash e fshehje pasurie.
Më herët, Gjykata Kushtetuese rrëzoi vendimin e Këshillit Bashkiak për shkarkimin e Veliajt nga detyra e kryebashkiakut dhe pezulloi zgjedhjet për Bashkinë Tiranë.
