Sot kryebashkiaku i Tiranës, Erion Veliaj, do të përballet me Gjykatën e Apelit të Posaçëm në përpjekje për ta bindur shkallën e dytë të gjyqësorit që t’i japë lirinë.
Zyrtari më i lartë vendor kërkon zëvendësimin e masës së sigurisë “arrest me burg”, duke ofruar edhe garanci pasurore.
Gjyqtarja e Apelit të Posaçëm, Nertina Kosova, pritet të dëgjojë pretendimet e palëve dhe të vendosë për fatin e Veliajt.
Ky i fundit është i pandehur për 13 akuza, nga korrupsioni, pastrimi i parave dhe fshehja e pasurisë. Dosja e tij dhe e 29 të pandehurve të tjerë ka kaluar për gjykim në themel.
