Kryebashkiaku i Tiranës, Erion Veliaj, kërkon pavlefshmërinë e akteve të dosjes hetimore, duke pretenduar shkelje proceduriale nga SPAK-u.
Në një dokument prej 77 faqesh, të dorëzuar në Gjykatën e Posaçme, Veliaj rendit sipas tij shkeljet e kryera gjatë hetimeve dhe thekson se “drejtësia nuk mund të jetë selektive”.
Veliaj ndodhet në paraburgim që prej datës 10 shkurt të këtij viti. Ai është i pandehur për korrupsion, pastrim parash dhe fshehje të pasurisë.
