Negociatat për të zgjedhur kandidatin e përbashkët të opozitës në zgjedhjet e pjesshme për Bashkinë e Tiranës, të zhvilluara në hotel Rogner, zbuluan një ndryshim të rëndësishëm, për herë të parë, Partia Demokratike ka pranuar të marrë në konsideratë një emër jashtë strukturave të saj politike.
Në takim, secila parti erdhi me propozimet e veta. Partia Demokratike, përmes Ilir Alimehmetit dhe Belind Këlliçit, propozoi emrin e Edlira Çepanit, bashkëshortja e ish-deputetit të ndjerë të PD, Gerti Bogdani. Ndërkaq, Partia Mundësia, e përfaqësuar nga Erald Kapri dhe Barbara Doda, ofroi emrin e pedagogut Ermal Hasimja.
Negociatat pritet të vazhdojnë në ditët në vijim, ndërsa të dy partitë janë dakord në parim se kandidati nuk duhet të jetë pjesë e strukturave partiake, por ende mbeten dallime për zgjedhjen e emrit konkret.
