Kryetari i Këshillit Kombëtar të Partisë Demokratike, Edi Paloka, u shpreh se nuk do ta përjashtonte mundësinë për të kandiduar përballë Ogerta Manastiliut për drejtimin e Bashkisë së Tiranës.
I ftuar në emisionin “Kjo Javë” në News24 me Nisida Tufën, Paloka tha: “Unë mund të duket e çuditshme përgjigja, por po të më thonin, edhe do ta mendoja, po. Do ta mendoja. Një garë që në kushtet që jemi, kush do që të jetë kandidati me Ramën, nuk ka zgjedhje, por për deri sa ne kemi vendosur të hymë nëpër gara edhe në këto kushte sigurisht dikush do të dali. Po të më thonë nëse do vijë puna që duhem unë, do ta mendoja.”
