Pas dorëheqjes së Florenc Spahos nga drejtimi i Qendrës Spitalore Universitare “Nënë Tereza”, në krye të institucionit pritet të emërohet Anxhela Paparizo.
Paparizo është diplomuar për Histori dhe Gazetari dhe ka mbajtur më herët disa pozicione drejtuese në Bashkinë e Tiranës ndërsa aktualisht drejton departamentin e Arteve dhe Kulturës në Bashkinë e qytetit Burlington në Ontario, Kanada, ku është shpërngulur që prej vitit 2008.
Por jo me larg se një vit më parë, Anxhela Paparizo ka qenë pjesë e një takimi në selinë e Partisë Demokratike me kryetarin Sali Berisha, në cilësinë e nënkryetares së Këshillit Koordinues të Diasporës. Në atë kohë, Berisha e cilësoi takimin si një shkëmbim mendimesh mbi situatën në vend dhe rolin e diasporës shqiptare, duke theksuar mbështetjen e PD-së për të drejtën e votës së emigrantëve.
Mesa duket emërimi i drejtoreshës së re të QSUT këtë herë, do të ketë dhe miratimin e opozitës.
