Dikush duhet ta njoftojë Ana Dajkon që është shpallur deputete. Sepse në gjithë këtë cirk mandatësh, ku Adriatik Lapaj e kërkoi për vete, më pas u tërhoq dhe kërkoi t’ia linte kushërirës, në fund fare mandati i shkoi një familjareje tjetër të afërt – Ana Dajkos, që nuk është e përfshirë në politikë dhe që ndoshta ende nuk e ka marrë vesh se është shpallur deputete.
Ironia therëse është se Lapaj bëri gjithë betejën ligjore, manovrat dhe zhurmën publike, ndërsa mandatin e mori ajo që nuk lëvizi asnjë gisht, nuk u shfaq në asnjë sallë gjyqi dhe nuk hyri në asnjë debat politik. Nëse është vërtet tezja ose një e afërt e tij, aq më tepër i mbetet Lapajt detyra të mos i flasë publikut për mandate, por të flasë me fisin.
Në fund, deputete u shpall më e panjohura dhe më e heshtura, ndërsa i zhurmshmi i listave mbeti jashtë. Kjo është farsa që vetëm politika shqiptare di ta prodhojë.
