Deputetja e Partisë Socialiste, Brunilda Mersini, ka dhënë dorëheqjen nga mandati i saj në Kuvend.
Lajmi u konfirmua nga kryetari i Kuvendit, Niko Peleshi, i cili njoftoi se pas dorëheqjes së Mersinit, Komisioni Qendror i Zgjedhjeve është informuar për shpalljen e vakancës dhe zëvendësimin e saj në listën e deputetëve të PS-së.
“Deputetja Brunilda Mersini ka depozituar në Kuvend dorëheqjen nga mandati i deputetit. Për krijimin e vakancës është njoftuar KQZ,” tha Peleshi gjatë seancës plenare.
Dorëheqja e Mersinit vjen në prag të zgjedhjeve të pjesshme lokale të 9 nëntorit, ku ajo do të kandidojë për postin e kryetares së Bashkisë Vlorë në emër të Partisë Socialiste.
