Gjatë mbledhjes së sotme të Komisionit të Ekonomisë, ku u diskutua projektbuxheti për vitin 2026, deputeti i Lëvizjes Bashkë, Redi Muçi, pyeti ministrin e Ekonomisë, Petrit Malaj, nëse pensionistët do të përfitojnë një bonus në fund të vitit të ardhshëm.
Ministri Malaj u përgjigj se një bonus i tillë nuk është parashikuar në projektbuxhetin për vitin 2026, por shtoi se dhënia e tij mund të varet nga performanca e ekonomisë.
“Në varësi të rritjes ekonomike do të vendosim nëse do të japim bonus fundviti në vitin 2026. Në projektbuxhet nuk është parashikuar, por me akt normativ, nëse rritja ekonomike e justifikon, do ta japim bonusin,” deklaroi Malaj.
Pra, bonuset për pensionistët vitin e ardhshëm nuk parashikohet në projektbuxhet. Por deklarata e ministrit rrezon propagandën e kryeministrit për rritjen e pensioneve gjatë vitit 2026. Me pak fjalë, premtimi i Ramës se pensionet do të rriten çdo muaj është thjesht shpërndarja e bonusit që pensionistët do të marrin në fundvit, duke e prezantuar si një rritje reale mujore të pensioneve, ndërkohë që në projektbuxhet nuk parashikohen bonuse.
