Një debat i fortë ka shpërthyer në studion e emisionit të Grida Dumës në TCH mes saj dhe zëdhënësit kryesor të Partisë Demokratike, Alfred Lela, lidhur me reagimin e opozitës për djegien e pallatit në Tiranë.
Përplasja u ndez kur Duma i kërkoi llogari Lelës për mungesën e deputetëve të PD-së në vendngjarje pas ngjarjes së rëndë. Ajo ngriti pyetjen pse përfaqësues të opozitës nuk kanë qenë të pranishëm pranë banorëve të prekur nga zjarri.
Në përgjigje, Lela u justifikua duke thënë se opozita nuk do të veprojë sipas asaj që i dikton Top Channel. Debati mes tyre u tensionua më tej dhe përfundoi me largimin e Lelës nga emisioni.
Ngjarja ka ngritur pikëpyetje edhe për reagimin publik të Partisë Demokratike ndaj shkrumbimit të pallatit në Tiranë. Reagimet nga opozita kanë qenë të pakta dhe kryesisht të kufizuara në disa statuse sporadike në rrjetet sociale, ndërsa shumica e deputetëve nuk janë shfaqur në vendngjarje.
Në reagimet e deritanishme është vënë re gjithashtu se nuk është përmendur emri i ndërtuesit Armand Lilo. Edhe Sali Berisha, i njohur për qëndrimet e tij të forta publike, nuk është ndalur në mënyrë të drejtpërdrejtë te kjo çështje.
Lilo rezulton të jetë gjithashtu një nga aksionerët e Credins Bank, një biznes me shume fije interesi të lidhura me PD ku janë të punësuar gjithashtu edhe familjarë të afërt të drejtuesve të Partisë Demokratike.
Debati në studio mes Dumës dhe Lelës nxori në pah tensionin rreth kësaj çështjeje, ndërsa përplasja mes tyre përfundoi me largimin e zëdhënësit të PD nga emisioni.
