Në Gjykatën e Posaçme u hodh shorti elektronik ku u përcaktua treshja gjykuese që do të gjykojë kryebashkiakun e Tiranës, Erion Veliaj, bashkëshorten e tij Ajola Xoxa dhe 17 të pandehur të tjerë.
Kryesuese e trupës gjykuese është Elsa Ulliri, ndërsa anëtarë Flora Hajredini dhe Besmir Stroka. Shorti u rihodh për shkak se trupa që po shqyrtonte çështjen pranoi gjykimin e shkurtuar për disa të pandehur dhe sipas ligjit për pjesën që mbetej duhej caktuar një trupë e re.
Erion Veliaj akuzohet për korrupsion, pastrim parash dhe fshehje pasurie. Ai ndodhet në paraburgim që prej 10 shkurtit 2025.
