Burgjet kanë marrë masa që të shoqërojnë Erion Veliajn në Gjykatën Kushtetuese të premten ku do të shqyrtohet në seancë publike kërkesa e tij kundër shkarkimit nga detyra e kryebashkiakut të Tiranë.
"Drejtoria e Përgjithshme e Burgjeve është njohur me kërkesën e Gjykatës Kushtetuese dhe ka marrë masat përkatëse që shtetasi Erion Veliaj të marrë pjesë në seancën që do të zhvillohet në datë 31 tetor në Gjykatën Kushtetuese.”, njoftoi DPB.
Veliaj mbahet në paraburgimin e Durrësit prej 10 shkurtit 2025 dhe është marrë i pandehur për 13 akuza penale, 9 prej të cilave për korrupsion.
