E Mërkurë , 28 janar 2026
Dërgo denoncim anonim
English

EKSKLUZIVE

Më shumë
Politika 28 Janar 2026, 12:59 Nga VNA

Besmir Beja pritet të emërohet Drejtor i Përgjithshëm i Doganave

Ndaje në Whatsapp

Besmir Beja pritet të emërohet Drejtor i Përgjithshëm i

Besmir Beja, aktualisht Sekretar i Përgjithshëm i Ministrisë së Financave, do të jetë Drejtori i ri i Përgjithshëm i Doganave.

Beja mban postin e Sekretarit të Përgjithshëm të Ministrisë së Financave që prej muajit gusht 2024 dhe tashmë pritet të marrë drejtimin e një prej institucioneve kyçe për financat publike, kontrollin kufitar dhe luftën kundër kontrabandës.

Emërimi i tij vjen në një moment me ndjeshmëri të lartë për administratën doganore, e cila luan një rol strategjik në mbledhjen e të ardhurave dhe në sigurinë ekonomike të vendit.

Njoftimi:

Agjencia për Media dhe Informim njofton se në mbledhjen e Këshillit të Ministrave, të zhvilluar ditën e sotme, janë miratuar disa ndryshime në drejtimin e institucioneve dhe strukturave shtetërore.

- Z. Gent Gazheli lirohet nga detyra e Drejtorit të Përgjithshëm të Doganave dhe emërohet Zëvendësministër i Mjedisit.

- Z. Besmir Beja emërohet Drejtor i Përgjithshëm i Doganave.

*Më herët, z. Beja ka mbajtur detyrën e Sekretarit të Përgjithshëm të Ministrisë së Financave.

- Ndërkohë, z. Gentian Kerri emërohet Sekretar i Përgjithshëm i Ministrisë së Financave

Lexo gjithashtu

Video

Shumë shtete në Shtetet e Bashkuara po përgatiten për një tjetër stuhi të ftohtë dimërore, vetëm disa ditë pasi një valë e mëparshme ka vrarë dhjetëra persona, ka lënë miliona amerikanë pa energji elektrike dhe ka ndërprerë udhëtimet ajrore. Një valë e re e të ftohtit pritet të godasë vendin gjatë fundjavës, duke sjellë temperatura rekord dhe stuhinë tjetër të madhe, ndërsa qytetarët përpiqen të rikuperohen nga dëmet e shkaktuara nga vala e parë. Sipas të dhënave të përpiluar nga AFP, të paktën 38 persona kanë humbur jetën si pasojë e ngjarjeve ekstreme të motit, aksidenteve ose hipotermisë. Mes viktimave janë edhe tre fëmijë, të moshës 6 deri në 9 vjeç, të cilët humbën jetën të hënën pasi ranë në një liqen të ngrirë në Teksas.

Një zjarr shpërtheu mbrëmjen e së martës në një hotel me pesë yje në vendpushimin e skive Courchevel, në Alpet Franceze, duke detyruar autoritetet të evakuojnë qindra persona. Sipas prefekturës së Savoie, flakët nisën rreth orës 19:00 (ora lokale) në papafingon e Hotel des Grandes Alpes. Fatmirësisht, nga zjarri nuk u raportuan persona të lënduar. Zyrtarët bënë me dije se fillimisht u evakuuan rreth 100 persona, ndërsa media lokale raportoi më pas se numri i të evakuuarve arriti në 270, pasi zjarri u përhap edhe në një ndërtesë fqinje. Stafi dhe banorët e hotelit u zhvendosën përkohësisht në hotele të tjera të zonës. Shkaqet e zjarrit mbeten ende të paqarta, ndërsa autoritetet vijojnë hetimet.

Një protestë e bujqve në Toulouse është përshkallëzuar në tensione dhe përplasje me forcat e rendit gjatë ditës së sotme, teksa fermerë të mobilizuar kundërshtuan qeverinë lidhur me menaxhimin e sëmundjeve të bagëtive dhe marrëveshjet tregtare.  Autoritetet raportuan disa arrestime, me të paktën 6 persona të ndaluar nga policia për shkelje të urdhrave të rendit dhe për rezistencë ndaj zbatimit të ligjit gjatë protestës.

Kemi një deputet që kërkon rritjen e çmimit të duhanit që të na mbrojë shëndetin dhe të na standartizojë me BE…

×
❮ ❯

Doni të informoheni të parët për lajme ekskluzive?

Bashkohuni me grupin tonë privat.

Kliko këtu

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme