Kreu i PD, Sali Berisha, ka shpallur datën e “platformës para kryeministrisë” e cila do të jetë ditën e hënë të javës që vjen.
Protesta do të jetë në formën e Foltores, ku deputetët dhe qytetarët do të flasin para kryeministrisë.
“Të hënën nisim ‘parlamentin’ para Kryeministrisë. Do te jenë deputetë dhe qytetarë. Do të nisim takimet dhe analizat, në çdo qelizë tonën. Deputetet do të jenë dhe në platformë. Në takimet e qytetarëve”, tha Berisha.
Sa i përketë protestës kombëtare, Berisha nuk dha një datë por tha se do të përcaktohet në momentin e duhur.
Në të njëjtën konferencë, ai kërkoi shkarkimin e ministres së Brendshme, Albana Koçiu, duke e akuzuar për “përfshirje indirekte në vrasjen e Gilmando Danit”.
“Ministrja Koçiu është e përfshirë dhe duhet të largohet menjëherë nga detyra,” tha Berisha, duke shtuar se protesta e së hënës do të shënojë fillimin e një serie veprimesh të reja opozitare jashtë Kuvendit.
