Rama dhe Soros shpallën non grata Sali Berishën dhe përdorën prokurorinë politike. Ai që mori vendimin sot është shpallur non grata në vendin e tij si një nga mashtruesit më të mëdhenj të planetit. Na treguan barin por sot narko shteti po shkërmoqet. Mbështetja nga Soros po bie me shpejtësi.
Sali Berisha ka shfrytëzuar 35 vjetorin e themelit të PD për t’u hakmarrë ndaj ish-ambasadores Yuri Kim pikërisht nga oborri i PD, nga ku Kim paralajmëroi demokratët se do të “hanë bar” nëse do të vazhdojnë me non gratën. Në fakt bar askush nuk ha praktikisht, por pushteti duket ende vite dritë larg për PD, ndërsa festimet për 35 vjetorin ishin më të vakëta se kurrë ndonjëherë.
Në 35-vjetorin e themelimit të Partisë Demokratike, lideri historik i saj, Sali Berisha, nderoi themeluesit dhe kontribuuesit e PD ndër vite.
Në fjalën e tij para të pranishmëve, Berisha u shpreh se kujtimet, veprat dhe trashëgimia e tyre mbeten krenaria e demokratëve.
Teksa përmendi disa prej figurave kryesore të PD, edhe të atyre që sot nuk janë më, por që me kontributin e tyre hodhën themelet e demokracisë në Shqipëri, Berisha u ndal veçanërisht te figura e ish-kryetarit të parlamentit, Pjetër Arbnori, të cilin e konsideroi si Mandelën e Evropës.
