Kreu i PD Sali Berisha, ka sfiduar kryeministrin Edi Rama që të paraqitet për të dëshmuar në GJKKO lidhur me dosjen “Partizani”.
Në një deklaratë për mediat nga jashtë SPAK, Berisha e cilësoi përballjen si “përballja e shekullit”, duke akuzuar Ramën për korrupsion dhe duke e ftuar publikisht të dalë përballë tij, qoftë në sallën e gjyqit apo edhe në një studio televizive.
“E ftoj të bëhet burrë dhe të vijë në gjykatë, ose nëse s’ia mban, të zgjedhë një studio televizive. Do të vijë si delinkuent në sallën e gjyqit”, u shpreh Berisha.
Ai akuzoi gjithashtu Taulant Ballën si “autor të parë të trillimit” të çështjes “Partizani”, duke shtuar se ai pritet të jetë dëshmitari i parë në procesin gjyqësor. Sipas Berishës, pretendimet e Ballës përbëjnë një nga shpifjet më të ulëta.
" “Taulant Balla është autori i shpifjes, i trillimit sipas të cilit Sali Berisha i ka dhënë tokë të shpronësuar nga autoritetet pushtuese italiane gjatë luftës së II Botërore, dhëndrit të tij.
Rama dhe vartësit e tij kanë 40 firma me të cilat kanë ndryshuar destinacionin e terrenit nga klub sportiv në zonë urbane."
Berisha tha se protestat e opozitës do të vijojnë e do të jenë edhe më të fuqishme. Ai ka lëshuar akuza në drejtim të policisë ku tha se u rreziku shëndetin e protestuesve me bombolat e sprait që përdori në protestë, pasi ato përmbanin okside metalesh të rrezikshme.
