Kreu i PD-së, Sali Berisha, ka sulmuar këshilltarin e PD në Vlorë, Gjergji Nika, pasi ky i fundit shpalli kandidaturën si i pavarur në zgjedhjet e pjesshme të 9 nëntorit. Nga selia blu, Berisha tha se Nika “nuk ka asnjë lidhje me PD-në”, duke e quajtur “këshilltar të propozuar nga Lulzim Basha”.
“Ai s’ka asnjë lidhje me PD-në. Është këshilltar i propozuar nga ish-kryetari Basha. PD do të mbështesë kandidatin që ka deklaruar mbështetjen për PD-në,” deklaroi Berisha, duke shpallur mbështetjen për Dionis Sotën.
Ironikisht, Berisha rikthen në skenë Lulzim Bashën, i cili është zhdukur nga jeta publike që pas zgjedhjeve të 11 majit.
Dhe kështu, një kandidat që nuk i pëlqen Berishës shpallet automatikisht “armik” — në këtë rast, si “i Bashës”.
