Kryetari i PD, Sali Berisha, ka sulmuar sot gazetarin Sokol Balla, duke thënë se ka vjedhur bashkë me ish-zëvendëskryeministren, Belinda Balluku.
Në deklaratën për mediat, Berisha ironizoi duke thënë se Balluku dhe Balla diforcin nuk e kishin tek vjedhjet, pasi sipas tij, kanë transaksione të pafundme me paratë e korrupsionit.
“Lubi Balluku që ky mbron është një kriminele multidimensionale e pashoqe në historinë e Shqipërisë. Përveç vjedhjeve të saj bashkë me Ramën, bashkë me ish-burrin e saj, atë e ka me divorc gjoja, por jo për të vjedhur. Për të vjedhur janë bashkë me Kol Ballën. Tansaksionet e tij janë të pafundme”, tha Berisha.
Kreu i PD gjithashtu konfirmoi që protesta e radhës e opozitës do të mbahet ditën kur Parlamenti do të shqyrtojë imunitetin e Belinda Ballukut. Ndonëse nuk dha shumë detaje, ai tha se nuk përjashtohet asnjë skenar opozitar.
Ai deklaroi se shumë deputetë kanë shprehur dëshirën për akte sublime, ngujim dhe grevë urie nëse nuk hiqet imuniteti i Ballukut, por edhe ky skenar është në pikëpyetje pasi Berisha sërish zgjedhjen ia la qytetarëve që do t'i bashkohen protestës.
