Kreu i Partisë Demokratike, Sali Berisha, nuk kursen deklaratat politike dhe akuzat ndaj qeverisë edhe në festën e Ditës së Verës.
Kryedemokrati ishte sot në Elbasan, të cilin e quajti “kryeqendrën e festës më të lashtë shqiptare”, dhe uroi qytetarët duke përshkruar Ditën e Verës si simbol shprese dhe ripërtëritjeje.
Megjithatë, në vend që ta linte deklaratën e tij vetëm në kontekstin e urimit, Berisha shfrytëzoi edhe këtë dalje publike për të përsëritur akuzat e përditshme politike.
Ai tha se kryeministri, Edi Rama dhe ministrja Belinda Balluku, po pengojnë perspektivën europiane të vendit dhe se “dyert e Europës u mbyllën për shqiptarët”.
Duket se kreut të PD nuk i mjaftojnë konferencat e përditshme për të kritikuar qeverinë. Ai zgjedh të shfrytëzojë edhe vizitat për raste festash për mesazhet politike.
