Kreu i Partisë Demokratike, Sali Berisha, ka bërë të ditur se më 8 maj do të zhvillohet protesta e radhës e opozitës në Tiranë, një ditë para Ditës së Evropës.
Në një konferencë për mediat të mbajtur të premten, Berisha deklaroi se kjo datë përbën një moment të rëndësishëm për mobilizimin opozitar.
“8 maji, një ditë e rëndësishme. Shqiptarët do të mblidhen në rrugët dhe sheshet e Tiranës në kryengritjen e tyre më të fuqishme paqësore që ka njohur vendi, kundër Edi Rama dhe narko-ministrave”, u shpreh ai.
