Kreu i Partisë Demokratike, Sali Berisha, ka nisur një valë të re sulmesh ndaj kreut të SPAK, Altin Dumani, kësaj radhe duke e lidhur edhe me dosjen e McGonigal. Në konferencën e sotme për mediat, Berisha shkoi deri aty sa pretendoi që McGonigal ka ndikuar që kreu i SPAK të kalojë vettingun.
“Në fakt, janë të shumtë zërat që kërkon t’i shuajë Altin Troplini, të cilin dëshmojnë se McGonigal u përfshi direkt në vetingun, duke marrë shuma të mëdha. A ishte Altin Troplini që e ndihmoi McGonigali të kalojë vetingun? Edhe kjo është çështje hetimi. Është ky një akt shtesë që Altin Troplini mban në sirtar dosjen e McGonigalit? Edhe kjo kërkon përgjigje”, tha Berisha.
Deklaratat e kreut të PD mbeten retorik politike për sa kohë nuk publikon asnjë dokument për akuzat që hedh në publik. Duke qenë se dosja është bërë publike, atëherë si ka mundësi që PD dhe kreu i saj nuk kanë gjetur në asnjë paragraf të citohet ky pretendim dhe të bëhet publik? Mungesa e fakteve jo vetëm e bëjnë të pabesueshëm Berishën, por ndihmon edhe Ramën duke i relativizuar edhe ato të vërteta që shkruhen në dosjen McGonigal.
