Ish-kryeministri Sali Berisha teksa foli nga dyert e SPAK u justifikua lidhur me hedhjen e molotovëve ndaj ish-vilës Enver në ish-Bllok duke pretenduar se nuk kishte dijeni që brenda godinës kishte njerëz.
“Ndjej keqardhje për ata të huaj që kanë qenë aty dhe i siguroj që s’kanë qenë objekt. Nuk e kam ditur që kanë qenë aty. Për ata ndjej keqardhje, s’duhet të ndodhte kurrsesi. Unë e mora vesh pasi pyeta dhe më thanë që është bërë qendër kulturore. Qendër kulturore vila e Enver Hoxhës është fyerje e madhe për mbi 7 mijë të ekzekutuar. Mund të ishte të muzeu i torturave”, deklaroi Berisha.
Pas hedhjes së molotovëve nga ana e protestuesve të opozitës ndaj vilës Enver u shkarkua nga detyra drejtori i Përgjithshëm i Policisë së Shtetit Ilir Proda.
