Sali Berisha deklaroi sot se i është përgjigjur “gjatë gjithë jetës” çdo thirrje të organeve të drejtësisë, por mënyra si formulohet deklarata e tij lë të kuptohet se nesër nuk pritet të shkojë në SPAK, pavarësisht fletëthirrjes zyrtare.
“Njoftimi duhet të vijë siç ka ardhur me dhjetëra njoftime të tjera. Asnjëherë mos më pyesni ‘a do shkosh?’ Unë do shkoj në çdo rast që të thirrem”, tha Berisha, një përgjigje që nënkupton se ai nuk e konsideron thirrjen e SPAK-ut
Prokuroria e Posaçme i ka dërguar fletëthirrje në tre adresa në banesë, në PD dhe në Kuvend. Dokumenti është bërë publik dhe nga disa media. Pavarësisht kësaj Berisha la të kuptohet se nuk do të paraqitet nesër, duke rikthyer një skemë të njohur të vonesave të tij në raport me paraqitjet para Prokurorisë së Posaçme, e ngjashme me atë të çështjes “Partizani”.
Ndërkohë, SPAK ka intensifikuar hetimet për 21 janarin, një nga dosjet më të rënda të drejtësisë shqiptare. Ish-ministri i Brendshëm dhe zyrtarë të tjerë të lartë të kohës janë parë ditët e fundit të dëshmojnë para prokurorëve, në kuadër të një hetimi që po zgjerohet ndjeshëm.
Në këtë situatë, deklarata e sotme e Berishës shihet si sinjal i qartë se përballja e tij me SPAK-un, të paktën për nesër, nuk do të ndodhë.
