Kryetari i Partisë Demokratike, Sali Berisha, ka kritikuar për herë të parë publikisht kreun e Komisionit Qendror të Zgjedhjeve, Ilirjan Celibashi. Ai ka reaguar ndaj deklaratës së Celibashit se “zgjedhjet e 11 majit ishin në nivelin e një vendi që synon të anëtarësohet në BE”, duke e cilësuar atë si të hartuar në zyrën e kryeministrit Edi Rama.
“Natyrisht tani këta janë të gjithë flasin çfarë thotë zyra e Edi Ramës. Këta i marrin të gatshme nga zyra e Edi Ramës dhe i lexojnë, si Ilirjani, ashtu dhe Bajrami, e të gjithë me radhë. Këtu ka vetëm një zyrë shtypi, ajo zyrë shtypi është vetëm Edi Rama dhe s’ka deklaratë më qesharake. Zgjedhjet ishin një farsë e vërtetë elektorale”, u shpreh Berisha.
Sic e theksuam më lart, kjo është hera e parë që kreu i PD kritikoi Celibashin publikisht. Në fakt, KQZ më herët është kritikuar për vonesa në procesin e numërimit dhe për administrim jo transparent të materialeve zgjedhore, si dhe për mungesë efikasiteti në trajtimin e ankesave dhe kërkesave të palëve politike.
Gjithashtu dyshime ka pasur edhe për votimin me postë, duke kontribuar në besueshmërinë e KQZ, por Berisha nuk e ka gjetur në asnjë rast fajin tek Celibashi.
