Berisha propozon ndryshimin e reformës së drejtësisë me ndihmën e Komisionit të Venecias. Në një konferencë për shtyp, ai prezantoi edhe njëherë të gjitha vërejtjet e tij për reformën, duke nxitur klasën politike të marrë përsipër riformulimin e saj.
Në këtë proces, ai përjashtoi Fatmir Xhafajn dhe Arben Rakipin, ndërsa paralajmëroi se PD nuk do të marrë pjesë në komisionin e reformës zgjedhore dhe asaj territoriale. Sipas tij, e vetmja mundësi që PD të marrë pjesë është garancia e pjesëmarrjes në këto komisione e përfaqësuesve të OSBE dhe ODIHR.
Berisha sulmoi Gjiknurin si drejtues të komisioneve zgjedhore gjatë viteve të fundit, duke harruar ndoshta që ai dhe Bylykbashi një vit më parë ndryshuan kodin në funksion të mbylljes së listave për deputetë.
