Kreu i Partisë Demokratike, Sali Berisha, ka reaguar ndaj akuzave të socialistëve se ka fyer ambasadorin e BE-së në Shqipëri, Silvio Gonzato, duke e cilësuar si “binar”.
Në një deklaratë publike, Berisha tha se nuk ka ofenduar ambasadorin, por ka shprehur qëndrimin e tij duke kërkuar argumente konkrete lidhur me projektligjin që po diskutohet në Parlament.
Berisha theksoi se kërkesa e tij ndaj ambasadorit Gonzato dhe Komisioneres së BE për Zgjerimin, Marta Kos, lidhet me paraqitjen e direktivës së Bashkimit Europian ku, sipas tij, përdoret “terminologjia e përkatësisë së shumëfishtë gjinore”.
“Nuk kam bërë asnjë fyerje ndaj asnjë ambasadori, por kam shprehur mendimet e mia. I kam kërkuar ambasadorit të na tregojë se cilën direktivë ka mbështetur ky ligj, sepse BE funksionon me direktiva. Cila direktivë përdor terminologjinë e përkatësisë së shumëfishtë gjinore?”, tha Berisha.
Ai shtoi se, sipas ekspertëve që ka konsultuar, direktivat e BE-së nuk e përmbajnë një gjuhë të tillë.
“Ekspertë të shquar më kanë konfirmuar se asnjë direktivë e BE nuk e përdor këtë terminologji. Janë të gjitha në binaritet, flasin për burrin dhe gruan. Kjo është e tëra. Çdo interpretim sui generis është problem i atij që e bën”, u shpreh kreu demokrat.
ë to.
