Sot paradite, kreu i PD-së, Sali Berisha, shpërndau në rrjetet sociale një foto të ish-kryebashkiakut të Durrësit, Vangjush Dako, e cila sipas tij ishte realizuar në qelitë e paraburgimit. Në imazh, Dako shfaqej i shtrirë në një shtrat të rehatshëm, me celular në dorë, pranë një tjetër të dënuari që Berisha e identifikoi si Ron Shqopa.
Në shënimin që shoqëronte foton, Berisha ironizoi gjendjen e paraqitur, duke e krahasuar qelinë më shumë me një dhomë hoteli dhe duke denoncuar trajtimin e privilegjuar që, sipas tij, marrin njerëzit e pushtetit në burgjet shqiptare.
Megjithatë, disa orë më vonë, postimi u zhduk nga profili i Berishës. Ky veprim ngre pikëpyetje për arsyen që e ka shtyrë Berishën ta fshij foton e Dakos.
