Kryetari i Partisë Demokratike, Sali Berisha, ka konfirmuar edhe në deklaratën e sotme për mediat se është në një aleancë të fshehtë politike me Adriatik Lapajn, për protestat e sotme para kryeministrisë që do të zhvillohen të dyja paralelisht para kryeministrisë.
Berisha e përgëzoi sërish Lapajn për aktin që ka ndërmarrë, duke thënë se po bën maksimumin e tij.
“Foltorja para kryeministrisë ka filluar javë përpara. Adriatik Lapaj ka filluar një protestë për të cilin unë e përshëndes dhe e përgëzoj. E mbështes protestën e tij, edhe aktin e tij. Ai zotëri, ka vendosur të bëjë maksimumin e tij dhe po bën”, tha Berisha.
Kjo është deklarata e dytë e kreut të PD-së me fjalë mbështetëse për Adriatik Lapajn, i cili nga ana tjetër nuk ka përgënjeshtruar aludimet se ka një aleancë të fshehtë politike me Berishën për protestat kundër qeverisë dhe kryeministrit Edi Rama.
