Deputeti i Partisë Demokratike, Belind Këlliçi, i ftuar në emisionin “Live në Mëngjes”, shprehu mbështetjen për idenë e Agron Shehajt mbi gjetjen e një kandidati të përbashkët opozitar që nuk përfaqëson asnjë parti politike.
“Kjo është mënyra e vetme që opozita ka për të fituar kundër Edi Ramës. PS mori vetëm 48% në Tiranë, që tregon se opozita ka potencial për të fituar,” tha Këlliçi, duke shtuar se një kandidaturë e fortë, qoftë nga diaspora, shoqëria civile, apo brenda vetë PD-së, mund të sjellë një rezultat surprizues në zgjedhjet e ardhshme.
Shehaj më parë deklaroi "Nuk po them të bëhemi shokë e miq, por të nxjerrim një kandidat që të përfaqësojë opozitën. Mendoj që jashtë politikës ka shumë njerëz që mund të jepnin kontributin e tyre.”
