Kreu i grupit parlamentar të PD, Gazment Bardhi, në seancën e sotme parlamentare ndër të tjera foli edhe për sulmet publike të kryeministrit Edi Rama ndaj gjyqtarëve. Sipas tij, në asnjë vend të botës kryeministri nuk sulmon gjyqësorin dhe se është turp i madh.
“Gjeni nje vend tjetër ku kryeministri sulmon gjyqësorin, për gjyqe që i humbet si palë. Ku ka turp më të madh”, tha ai mes të tjerash.
Kritikat e Bardhit janë mëse të drejta, por këtë standart duhet të ruaj edhe kur kryetari i partisë ku bën pjesë sulmon gjyqtarët kur marrin vendime që si pëlqejnë.
Kreu i PD, Sali Berisha, i përfshirë në procese gjyqësore, ka mbajtur shpesh konferenca për shtyp duke sulmuar me emër gjyqtarët që kanë marrë vendime kundër tij.
Prandaj, po i hapim një sfidë Bardhit nëse gjen dot një kryetar opozite në botë që sulmon gjyqësorin? Dhe nëse ka, a është kjo e pranueshme?
Kur sulmet vijnë si nga qeveria, ashtu edhe nga opozita, morali politik nuk mjafton. Nevojiten marrje masash që ky precedent të mos ndodh më. Dhe detyra e Bardhit është që këtë këshillë t’ia japë dhe kryetarit të tij.
