Kreu i Grupit Parlamentar të PD, Gazment Bardhi, ka lëshuar akuza të forta ndaj Presidentit të Republikës, Bajram Begaj, duke e cilësuar atë si “modelin e preferuar nga Edi Rama për institucionet shtetërore – një njeri që kontrollohet dhe korruptohet”.
Sipas Bardhit, pasuria e Presidentit Begaj është e dyshimtë dhe do të bëhet objekt i një kallëzimi penal.
“Presidenti është i vetmi njeri në glob që i blen vëllai shtëpi me para të fituara në emigracion, ndërsa mamaja dhe babai ia shesin një tjetër për vetëm 2 milion lekë të vjetra. Duke punuar në ushtri ka privatizuar prona të ushtrisë pa asnjë kundërshpërblim”, deklaroi Bardhi.
Ai shtoi më tej se Presidenti Begaj është aktualisht “duke ndërtuar 3 vila”, duke theksuar se opozita ka mbledhur informacione dhe prova për këto çështje.
“Të gjitha këto janë histori për të cilat do të bëjmë kallëzim penal ndaj presidentit”, u shpreh Bardhi.
Kreu i grupit parlamentar tha se jane vënë në levizje duke kërkuar shkarkimin e Begajt
