Kryeministri Edi Rama u përball sot me pyetje të përsëritura nga gazetarët në Pallatin e Brigadave lidhur me pezullimin nga detyra të Belinda Ballukut. Duke reaguar me ironi, Rama tha se gjithçka është kthyer në një “telenovelë pa fund”, duke iu referuar serialit të njohur “Vitrinat”.
“E keni bërë si ajo telenovela Vitrinat, 1000 episode. A e do apo nuk e do, të do apo nuk të do. Çfarë janë këto. O Zot”, u shpreh Rama, duke shtuar se po të jepte një përgjigje të drejtpërdrejtë “nuk do të vazhdonte telenovela”.
Ai theksoi se sqarimet zyrtare do t’i japë vetëm në konferencën e radhës për shtyp, duke refuzuar t’i hyjë më tej çështjes.
