Kryetari i Grupit Parlamentar të PS, Taulant Balla ka bërë një replike me deputeten e PD, Jozefina Topalli.
Tëksa Topalli po fliste nga vendi, Balla iu drejtua duke i thënë që të mos bëjë “sikur i dhemb shpirti për Saliun”, ndërsa i rikujtoi se në vitin 2021 kanë bashkëpunuar kundër Berishës.
Balla tha se në Shkodër menduam se do merrje vota, por dole si me Diasporën, duke i kujtuar zgjedhjet e fundit të 11 majit, ku Jozefina Topalli ishte e deleguara e PD.
“Ti Jozefina, mos u bëj sikur të dhemb shpirti për Saliun, sepse në 2021 kemi bashkëpunuar bashkë kundër Saliut, sa për korrektesë. Të lutëm, këtë pjesë ma kurse pak se unë për fat të keq di shumë gjera, si i ndanim këto llogaritë. Vetëm se ti na dole huq fare, menduam se do merrje ndonjë votë në Shkodër, por e di si dole, ashtu sic dole në Diasporë. Këto rikthimet si puna jote, ka një shprehje të bukur Ulsiu, “janë si ajo pas asaj”, iu drejtua Balla.
Nga ana tjetër, Topalli është çuar dhe ka replikuar duke thënë se nuk e ka takuar kurrë Taulant Ballën, dhe se sipas saj zgjedhja e saj në 2021 ishte sepse në krye të PD-së ishte një njeri i kontrolluar nga socialistët.
"Për të pasur një seancë normale duhet zbatuar rregullorja, ndërsa tani po i kthej përgjigje parafolësit. Është e ditur publikisht që në vitin 2021 kam krijuar një lëvizje. Vura re se në krye të PD-së ishte dikush që ju e kontrollonit në çdo lëvizje; e ke takuar Lulzim Bashën në mënyrë të fshehtë. Prandaj, merre vetë, mos ma drejto mua, se unë s’të kam takuar ty", tha Topalli.
